?

Log in

No account? Create an account
Дзьверы у нікуды Любі друзі Цік-Так! Усё пра Аксеню Асадзі назад Асадзі назад Уперад лепшае Уперад лепшае
Што бачыла, тое кажу... - Тая самая Аксеня — LiveJournal
aksenua
aksenua
Што бачыла, тое кажу...
Вось і адтанцаваў у Гомлі бойз-бэнд "Крамбамбуля" :)
Мора станоўчых эмоцыяў! Усім рэкамендую!!! 20 тыс.бел.руб./9,5$ за квіток акупіліся ўдвая.
Прайшло ўжо 4 дні, але пазітыў ад канцэрту "Крамбамбулі" дагэтуль жыве ў маім арганізме і патрабуе выхаду :) Таму пад катам чытайце маю справаздачу аб мерапрыемстве (са спасылкамі на некаторыя песьні ў
mp3), а яшчэ я таксама рэкамендую пачытаць артыкул і паглядзець пару фотак тут.
 
Хадзіла на канцэрт адна. Каханага майго не было побач… нажаль…, але ў самоце быць не давялося, бо побач каўбасілася ды плюшчылася "публіка еўрапейскага кшалту":) ў колькасьці каля 200 пазітыўных чалавек. Былі людзі розных узростаў, хтосьці зь півам, хтосьці з дзецьмі :) Я з найвялікшым задавальненьнем у першых панкаўскіх шэрагах перад сцэнай адтанчыла і адпела ўсю праграму з першых акордаў "Я вас любіў, любоў яшчэ, у душы пагасла не вапшчэ…", і не зразумела тых вычварэнцаў, якія проста сядзелі і боўталі нагамі пад сталом.
 
Урэшце пабачыла ўсю "Крамбамбулю" ужывую. Першых дзьве песьні запар разглядвала іхнія сьмелыя дызайнерскія "ільняныя гарнітуры" і пазітыўныя фэйсы. Выбачайце, хлопцы, але больш за ўсіх мне спадабаўся скрыпач+клавішнік+губны гармонік, калі не памыляюся (папраўце мяне, любі друзі) гэта Аляксандр Хаўкін. Ён тааакі фактурны дзязька ў растаманскай шапцы! І так адпальваў на электраскрыпцы! :)

Увогуле было такое адчуваньне, што "Крамбамбуля" грала толькі для мяне і толькі мае ўлюбёныя песьні з усіх сваіх альбомаў. Ад усенародных хітоў "Госьці" з "Турыстамі" да сур'ёзнага "Абсэнту" з "7 лістападам". Для мяне асабіста адкрыццём была кампазіцыя "Край гарачых добрых хлопцаўсонцаў" (ведала, што такая існуе, але ніколі не чула) і "Мама дарагая" у новай дэнсавай аранжыроўцы. Як паважаючая сябе інтернэтаўка, прэзэнтуемую "Дольчэ віта" я ўжо пасьпела выкатаць зь сеціва загадзя і з нецярпеньнем чакала ўпадабаны апошнім часам іншы інтэрнэт-сінгл "Усё нармальна, мама!", але так і не дачакалася.

Ну і, канешне, здарыліся сюрпрызы: "усясветная" прэм'ера новай кампазіцыі "Хіцяра" (якую я так да канца і не ўтыкнула) і адмысловыя крамбамбулеўскія - не пабаюся гэтага гучнага слова - фірмовыя танцы. Гэта нешта! Уявіце, сем дарослых мужыкоў у бруках-клёшах і некаторых з пузікам, якія пастроіліся "у лінеечку" на сцэне і прапанавалі слухачам паўтараць іхнія простыя рухі. А потым урубілі фанеру "хранцузкай" песьні "КрамбамбулЯ" (націск на апошняе Я) і сталі гойсаць як маладзёны, даводзячы публіку да гістэрычнага сьмеху экстазу і катарсісу :) "Вось да чаго трэба імкнуцца гурту… і паменей тэкстаў розных…" - пажартаваў Вольскі пасля танцавальнай праграмы :)

З Гомляй "Крамбамбуля", вызванная дзікім ровам слухачоў на "біс", развіталася кампазіцыяй (цытую Вольскага) пра людзей, якія заўсёды ёсьць сярод нас: "Эх, рамалы, што вы, дзе вы, пачынайце вашы сьпевы…" :)

Негатыўным момантам для мяне было тое, што ў вочы навязліва лез рэклямны плякат ненавіснага мною мтса з крадзенымі "яйкаквадратамі" над сцэнай. Ну дык жа, спонсер канцэрту… А яшчэ гражданы ціпа гопнікі пераядычна вылазілі наперад, адтоптываючы "інцялягенцыі" ногі, каб сфоткацца на фоне Вольскага. На памяць, блін...  А я здымач не брала. Як паказала практыка, усё роўна з мяне ніякі фатограф ;)
Па выніках канцэрту набыла дыск "Крамбамбуля. The Best albo Belarusian Disco", пад які суботнім вечарам на лецішчы была арганізавана дыскатэка. Ну, гэта ўжо другая гісторыя…

М'юзык: Крамбамбуля - Край гарачых добрых сонцаў

3 камэнтара or Стукнуць-грукнуць
Comments
From: (Anonymous) Date: 19 траўня 2008 15:55 (UTC) (Спасылка)

vitaut

Ну малайчына, Аксеня, парадавала-такі!!! :)
Добры фірмовы стыль аповяду... паважаю!!!
А вось фотапаляваньнем трэ было б і пазаймацца, каб болей радаваць сяброў!!! :)))
Мо папрактыкуемся? :)
aksenua From: aksenua Date: 20 траўня 2008 06:27 (UTC) (Спасылка)

Re: vitaut

Дзякую за добрае слова, дружа!
Я вось толькі апошні радок твайго посьціка штосьці не зразумела... Гэта ты так мяне адмыслова на сустрэчу запрашаеш? ;)
From: (Anonymous) Date: 20 траўня 2008 07:04 (UTC) (Спасылка)

vitaut

Хех... :)
А залішні раз папрактыкавацца (чуць язык не зламіў!) нікому не зашкодзіць!!!
Пагадзіся.... :)
3 камэнтара or Стукнуць-грукнуць